Ўзбекистон ва Россия олимлари қандай янги қўнғиз турларини аниқлади?
0
Ўзбекистон ва Россия олимлари ҳамкорликда 7 та янги қўнғиз турини аниқлади. Изланишларда Хоразм Маъмун академияси ҳамда бир қатор илмий-тадқиқот институтлари иштирок этган.
Маълум қилинишича, янги аниқланган турлар Dailognatha уруғига мансуб бўлиб, улар бўйича махсус ўрганиш ишлари олиб борилган. Бу қўнғизлар асосан тошлоқ ва адир ҳудудларда учраши қайд этилмоқда.
Олимлар таъкидлашича, мазкур ҳашаротлар табиат учун фойдали ҳисобланади. Улар органик қолдиқларни парчалашда иштирок этиб, тупроқ унумдорлигини сақлашга ҳисса қўшади.
Кашфиёт натижасида дунё бўйича Dailognatha уруғига мансуб қўнғиз турлари сони 21 тадан 28 тагача ошгани билдирилди.