Флик «Барселона»да кечиккан футболчиларни жаримага тортади
Каталониянинг «Барселона» жамоаси бош мураббийи Ханс-Дитер Флик интизомни кучайтирди: энди жамоада кечикишлар учун жарималар тизими жорий этилди. Бу ҳақда испаниялик журналистлар билан суҳбатда «кўк-анорранглилар» ҳужумчиси Ферран Торрес маълум қилди. Бу ҳақда euro-football.ru хабар беради.
Қоидага кўра, учрашув куни кечиккан футболчига 40 минг евро миқдорида жарима қўлланади. Шунингдек, машғулотлар ва жамоавий йиғилишларга кечикишлар ҳам молиявий санкциялар билан жазоланади.
61 ёшли немис мутахассиси «Барселона»ни 2024 йил ёзидан буён бошқариб келмоқда. Томонлар ўртасидаги амалдаги шартнома 2027 йил июн ойи охиригача мўлжалланган.
Ла Лиганинг 25-туридан сўнг «Барселона» 61 очко билан турнир жадвалида биринчи ўринда бормоқда.