Хедира: Хаби Алонсо тез орада топ-клубда ютади
Мадриднинг «Реал» клубида ўйнаган собиқ ярим ҳимоячи Сами Хедира жамоанинг собиқ мураббийи Хаби Алонсо ҳақида фикр билдирди. Бу ҳақда euro-football.ru хабар беради.
Испаниялик мутахассис «қироллик клуби» бошқарувини ўтган ёз бошида қабул қилиб олганди, бироқ жорий йил январида лавозимидан озод этилди.
«Афсус, Алонсога кўпроқ вақт беришмади. Бу қарорнинг ички сабаблари ҳақида фақат тахмин қилишимиз мумкин, аммо мен учун Хаби барибир кучли мураббий. У тез орада Европанинг бошқа бир топ-клубида албатта муваффақиятга эришади. Муаммо шундаки, баъзан кийиниш хонасида мураббий футбол тамойилларига эргашишга тайёр бўлмаган одамлар ҳам бўлади», — дея Хедиранинг сўзларини Diario AS келтирди.
Эслатиб ўтамиз, Хаби Алонсо ўрнига Алваро Арбелоа тайинланган.