«Кристал Пэлас» Гласнер бўйича мавсум якунигача қарор қилди
«Кристал Пэлас» бош мураббий Оливер Гласнернинг келажаги борасида якуний позициясини белгилаб олди. Бу ҳақда euro-football.ru хабар беради.
Football Insider хабарига кўра, клуб раҳбарияти австриялик мутахассисни эҳтимолий истеъфога оид гап-сўзларга қарамай, мавсум охиригача жамоада қолдиради. Гласнер эса келаси ёзда шартномаси якунлангач, клубни тарк этади.
Оливер Гласнер «Кристал Пэлас»ни 2024 йил февралидан буён бошқариб келмоқда. Унинг қўл остида Лондон клуби илк бор тарихида Англия Кубоги ва Англия Суперкубогини қўлга киритди.
Жорий мавсум АПЛда «Кристал Пэлас» 27 ўйиндан сўнг 35 очко жамғарган ҳолда турнир жадвалида 13-ўринда бормоқда.