«Бавария» Фликни туғилган куни билан табриклади
Ханс-Дитер Флик айни пайтда «Барселона»ни Испания Ла Лигасидаги «Вильярреал»га қарши уй учрашувига тайёрламоқда. Сешанба куни немис мутахассиси 61 ёшни қарши олади. Бу ҳақда euro-football.ru хабар беради.
Шу муносабат билан «Бавария» ижтимоий тармоқларда Фликка мурожаат қилиб, «Туғилган кунинг билан, Ханси», дея табрик йўллади.
Флик 2019–2021 йилларда Мюнхен клубини бошқарган. Унинг даврида «Бавария» икки марта Бундеслига чемпиони бўлди, Чемпионлар лигаси, Германия кубоги, Германия суперкубоги, УЕФА суперкубоги ҳамда Клублар ўртасидаги жаҳон чемпионати совринларини қўлга киритди.
Маълумот учун, «Барселона» «Вильярреал»ни февралнинг сўнгги кунида қабул қилади.