Слуцкий бошқарувидаги «Шанхай» «Бурирам»га ютқазиб турнирни якунлади
«Шанхай Шенхуа» Осиё Чемпионлар лигасида еттинчи турдан кейин плей-офф йўлланмаси учун барча имкониятларини бой берди. Саккизинчи турда «Бурирам Юнайтед»га қарши баҳс Леонид Слуцкий шогирдлари учун фақат турнир билан чиройли хайрлашиш имконияти эди, бироқ бу ҳам амалга ошмади. Бу ҳақда euro-football.ru хабар беради.
Учрашув 0:2 ҳисобида тайландликлар фойдасига якунланди. «Бурирам Юнайтед» илк бўлимнинг дастлабки дақиқаларидаёқ икки бор рақиб дарвозасини ишғол қилди — 11-дақиқада Гуд Ко'ртис, 22-дақиқада эса Супханат Муеанта гол урди. Орадан кўп ўтмай «Шанхай Шенхуа» бир футболчисини йўқотиб, майдонда камчиликда қолди ва бу вазият ўйин тақдирини деярли ҳал қилиб қўйди.
Маълумот учун, Леонид Слуцкийнинг «Шанхай Шенхуа» билан амалдаги шартномаси 2027 йил охиригача мўлжалланган.