Роналду «Ал-Наср»нинг Про-лига ўйинини асосий таркибда бошлайди
Чоршанба куни «Ал-Наср» Саудия Арабистони чемпионатида навбатдаги учрашувини ўтказади. Жамоа бу сафар «Ал-Наджма»га қарши майдонга тушади. Бу ҳақда euro-football.ru хабар беради.
Бош мураббий Жорже Жезуш ўйинни илк дақиқалардан қуйидаги таркиб билан бошлашга қарор қилди: Бенто, ал-Бушайл, Симакан, ал-Амри, Иниго Мартинес, Брозович, ал-Ҳайбари, Коман, Мане, Фелиш, Роналду.
«Ал-Наср» ҳужум чизиғида ҳақиқий кучли квартет жам бўлади: Криштиану Роналду, Жоау Фелиш, Садио Мане ва Кингсли Коман рақиб дарвозасини нишонга олишга масъул.
«Ал-Наджма» – «Ал-Наср» учрашуви 00:00 да (Тошкент вақти билан) старт олади. Беллашувни матнли трансляция орқали кузатиш мумкин бўлади.
Агар «Ал-Наср» ғалаба қозонса, жамоа Про-лига жадвалида яна якка пешқадамга айланади.