Белоус Алонсони «Ливерпуль» учун муносиб мураббий деди
Футбол функционери Юрий Белоус «Ливерпуль»ни ким бошқариши кераклиги ҳақида фикр билдирди. У бу борадаги мулоҳазаларини «Евро-Футбол.Ru» нашрига берган интервьюсида айтиб ўтди. Бу ҳақда euro-football.ru хабар беради.
Белоуснинг таъкидлашича, Хаби Алонсо аллақачон ўзини кучли мураббий сифатида кўрсатиб бўлган. Унинг сўзларига кўра, бир пайтлар «Ливерпуль» майдонда устунлик қилган бўлса, ҳозир клуб ичида турли тебранишлар сезилмоқда, яқинда Салоҳ билан боғлиқ можаролар ҳам шуни кўрсатади. Эксперт назарида, жамоа бош мураббийи шунчалик обрўли бўлиши керакки, таркибга ҳар доим ҳам кирмайдиган футболчи ҳам омма олдида танқид қилишни хаёлига келтирмасин.
Январ ойида «Реал» Хаби Алонсони бош мураббийлик лавозимидан бўшатган эди. Шундан сўнг Британия ОАВ «Ливерпуль» амалдаги мураббий Арне Слот ўрнига Алонсо номзодини кўриб чиқишга тайёр эканини хабар қилди.