Сёмин ПСЖ кетма-кет иккинчи бор Чемпионлар лигасини олиши мумкин дейди

Тажрибали мураббий Юрий Сёмин ПСЖнинг ҳозирги ҳолати ҳақида фикр билдирди. Унинг айтишича, Луис Энрике бошқарувидаги парижликлар Чемпионлар лигасида яна ғолиб чиқиш учун етарли салоҳиятга эга. Бу ҳақда euro-football.ru хабар беради.

Сёмин ўтган мавсум натижасини ҳам эслатиб ўтди: ПСЖ клублар тарихида илк бор Чемпионлар лигаси кубогини қўлга киритган, финалда эса “Интер”ни 5:0 ҳисобида йирик мағлуб этган эди.

“Уларнинг кетма-кет иккинчи бор Чемпионлар лигасини ютиш имконияти бор. Франция чемпионатида футболчиларнинг катта қисми ротация асосида майдонга тушди. Менимча, улар кучни Чемпионлар лигаси учун тежаб келмоқда”, — дея Сёмин сўзларини келтиради “Спорт-Экспресс”.

Плей-офф босқичига чиқиш йўлида ПСЖ “Монако”дан қийинчилик билан ўтди: сафардa 3:2 ҳисобида ютди, уйда эса 2:2 дуранг қайд этилди. 1/8 финалда парижликларни анча жиддий рақиб кутади — “Барселона” ёки “Челси”.