Лапорта Чемпионлар лигасидаги «Ньюкасл» билан жуфтликни баҳолади
«Барселона» президенти Жоан Лапорта Чемпионлар лигасида «Ньюкасл»га қарши бўладиган ўйинлар ҳақида ўз фикрини билдирди. Бу ҳақда euro-football.ru хабар беради.
1/8 финал босқичига қуръа ташлаш маросими жума куни бўлиб ўтди. Каталонияликлар «Ньюкасл» билан илк учрашувини 10 март куни ўтказиши режалаштирилмоқда, жавоб баҳси эса орадан саккиз кун ўтиб бўлиб ўтади.
Лапортанинг айтишича, жамоа бу мавсум «Ньюкасл» билан аллақачон тўқнаш келган ва ўшанда натижа ижобий чиққан. Шу билан бирга, у икки ўйинли қарама-қаршиликлар бутунлай бошқа талабларга эга эканини таъкидлаб, «Барселона» максимал интенсивликда ўйнаши ва тинимсиз ишлаши кераклигини қайд этди.
Жамоаларнинг сентябрь ойида умумий босқич доирасида «Сент-Жеймс Парк»да ўтган учрашувида «Барселона» 2:1 ҳисобида ғалаба қозонганди.