Курт Зума БААнинг «Ал-Васл» клуби билан шартнома имзолади
Лондоннинг «Челси» клубида тўп сурган собиқ марказий ҳимоячи Курт Зума Румуния чемпионатидаги фаолиятидан кўнгли тўлмай, «Клуж» сафини олти ойдан сўнг тарк этди. Футболчининг навбатдаги манзили Бирлашган Араб Амирликларининг «Ал-Васл» жамоаси бўлади. Бу ҳақда euro-football.ru хабар беради.
«Ал-Васл» спорт директори Эрик Абидал музокараларда муҳим роль ўйнади ва Зума «гепардлар» сафига қўшилиш бўйича қарор қабул қилди. Таъкидлаш жоиз, француз ҳимоячи яқинда ҳам Яқин Шарқда ўйнаган — ўтган мавсумда Саудия Арабистонининг «Ал-Ороба» клубида ижара асосида ҳаракат қилганди.
Зума узоқ вақт ўйнаган «Вест Ҳем» кейинчалик у билан шартномани бекор қилган, шундан сўнг футболчи Румуниянинг Клуж-Напока шаҳридаги «Клуж»га келганди. Бироқ бу ҳамкорлик атиги ярим йил давом этди.