Руни Марадона ресторанда галстук совға қилганини эслади
Англиялик ҳужумчи Уэйн Руни 2013 йилда ресторанда кутилмаганда афсонавий Диего Армандо Марадона билан тўқнаш келганини эслади. Бу воқеа Руни ва «Манчестер Юнайтед» учун Европа Чемпионлар лигаси плей-оффида Мадриднинг «Реал»ига қарши омадсиз ўйиндан кейин содир бўлган. Бу ҳақда euro-football.ru хабар беради.
Ўша пайтда клубдаги сўнгги мавсумини ўтказаётган Алекс Фергюсон Руини захирада қолдирган, бу эса ҳужумчини қаттиқ ранжитган. Ўйиндан кейин асабий ва жаҳли чиққан Руни ресторан томон йўл олади ва у ерда «Худонинг қўли» лақабли Марадонани кўриб, ҳайратда қолади.
Руни ҳикоя қилишича, Марадона уни столига чорлаб, тинчлантиришга уринган. Сўнг эса кутилмаганда ўз бўйнидаги галстукни ечиб, Рунига совға қилган. «Бу ишониб бўлмас, аммо жуда чиройли ишора эди. Ҳозиргача ўша галстукни эҳтиётлаб сақлайман», — дея Руининг сўзларини derbyderbyderby.it келтиради.
Эслатиб ўтамиз, Диего Марадона 2020 йилда вафот этган. Ўша даврда Руни футболчи сифатидаги сўнгги мавсумини ўтказаётган эди.