Нойер «Аталанта»ни юксак баҳолади ва огоҳлантирди
Европа Чемпионлар лигаси 1/8 финалига қуръа ташланганидан сўнг Мюнхеннинг «Бавария» клубига Италия вакили «Аталанта» рақиб бўлди. Икки ўйинлик тўқнашув олдидан немислар дарвозабони Мануел Нойер бергамоликлар ҳақида фикр билдирди. Бу ҳақда euro-football.ru хабар беради.
«Уларнинг қизиқ томони — имконияти чекланган бўлса ҳам, боридан максимумни сиқиб олади. Энг яхши кунида улар тоғларни ҳам суриши мумкин. Шунинг учун илк баҳс Бергамода ўтиши ёмон эмас: шундан кейин биз ўзимиз қайси даражада эканимизни аниқ билиб оламиз», — деди Нойер.
«Аталанта» плей-офф йўлланмаси учун ўтган босқичда Дортмунднинг «Боруссия»сини икки ўйин натижасига кўра 4:3 ҳисобида мағлуб этди. «Бавария» учун эса италияликларга қарши дуэль бу мавсум Чемпионлар лигасидаги илк плей-офф синови бўлади: Венсан Компани жамоаси умумий босқични иккинчи ўринда якунлаган.