Икарди агентлари «Галатасарай» билан келажакни муҳокама қилади
«Галатасарай»нинг аргентиналик ҳужумчиси Мауро Икарди агентлари футболчининг клубдаги истиқболи бўйича раҳбарият билан учрашув ўтказишни режалаштирмоқда. Бу ҳақда euro-football.ru хабар беради.
Инсайдер Николо Скиранинг маълумотига кўра, футболчи вакиллари ва Истанбул клуби раҳбарияти ўртасидаги музокаралар апрел ойида бўлиб ўтади.
Шу билан бирга, Икардига қизиқиш билдираётган жамоалар ҳам бор: улар ҳужумчини эркин агент сифатида шартнома асосида сафига қўшиб олишга тайёр.
Икардининг «Галатасарай» билан амалдаги битими 2026 йил 30 июнгача мўлжалланган. 33 ёшли футболчининг бозор қиймати 6 миллион евроға баҳоланмоқда.
2025/2026 йилги мавсумда аргентиналик ҳужумчи 36 та ўйинда майдонга тушиб, 15 та гол урди ва 2 та голли узатмани амалга оширди.