Галлардо йиғлади: «Ривер Плейт»ни ҳеч ким тарк этмайди
Марсело Галлардо мураббий сифатидаги сўнгги учрашувини «Банфилд»га қарши ўтказди. «Ривер Плейт» бу ўйинда 3:1 ҳисобида ғалаба қозониб, кетма-кет учта мағлубиятдан иборат омадсиз сериясига нуқта қўйди. Бу ҳақда euro-football.ru хабар беради.
Айнан шу мағлубиятлар серияси Галлардонинг лавозими билан хайрлашишига сабаб бўлди, бироқ клуб унга муносиб тарзда кетиш имконини берди. У эса учрашувдан кейинги чиқишида буни жуда таъсирли тарзда намойиш этди.
«Шунчаки барчангизга раҳмат. Сизнинг муҳаббатингизни сўз билан тўлиқ ифодалаш қийин. Мен бутунлай кетмаяпман. «Ривер»дан ҳеч ким абадий кетмайди. Бу сеҳрли жой: кетсанг ҳам, барибир клуб билан қоласан», — деди Галлардо кўз ёшларини тия олмаган ҳолда.
Эслатиб ўтамиз, 1990-йилларда Марсело Галлардо «Ривер Плейт» сафида ҳам, Аргентина терма жамоасида ҳам футболчи сифатида тўп сурган.