«Ювентус» Локателли билан янги узоқ муддатли шартнома тузмоқчи
Туриннинг «Ювентус» клуби ярим ҳимоячи Мануэл Локателлини жамоада олиб қолиш ниятида. Бу ҳақда euro-football.ru хабар беради.
Tuttosport хабарига кўра, клуб футболчи билан амалдаги келишувни узайтиришга жуда яқин. Янги шартнома 2030 йил 30 июнгача мўлжалланган бўлиб, Локателлининг йиллик маоши 4 миллион еврогача оширилади. «Ювентус» бу орқали ярим ҳимоячининг жорий мавсумдаги ўйинларини муносиб баҳоламоқчи.
Локателли «Сассуоло»дан «Ювентус»га 2023 йилда 36 миллион евро эвазига келиб қўшилганди. Ҳозирги битим 2028 йил 30 июнгача амал қилади. Бу мавсум у туринликлар сафида 36 учрашувда майдонга тушиб, 3 та гол урди ва 1 та голли пас берди.