Пул ўтказмалари устидан назорат кучайтирилмоқда
0
Марказий банк томонидан тижорат банклари ва тўлов ташкилотларига мобил иловалар орқали амалга ошириладиган ўтказмаларда «ўтказма мақсадини кўрсатиш» бўйича махсус топшириқ юборилди.
Эндиликда фойдаланувчи П2П (картадан картага) ўтказмасини амалга ошираётганда, рўйхатдан мажбурий равишда ўтказма мақсадини танлаши керак бўлади. Ушбу рўйхатга товарлар учун тўлов, қарзни қайтариш, оилавий ўтказмалар, хайрия ва бошқа 16 та асосий йўналиш киритилган. Масалан, агар сиз «Миннатдорчилик учун» бандини танласангиз, бу чойпули сифатида қайд этилади.
Янги тизим ўтказмалар шаффофлигини таъминлаш ва иқтисодий жараёнларни тартибга солишга хизмат қилиши кутилмоқда.