Муниса Ризаевадан узоқ кутилган кўриниш: "Қанақа қилиб биз тирик қолдик..."
Хонанда Муниса Ризаева узоқ танаффусдан сўнг ижтимоий тармоқларда кўриниш бериб, бошидан кечирган қўрқинчли воқеа ҳақида гапирди. Унинг айтишича, улар яшаб турган уй биносига дрон қулаган.
Санъаткор ўз мурожаатида аввало мухлисларига миннатдорлик билдирган. У "Қандай қилиб тирик қолганимизни билмайман. Сизларнинг ғамхўрлигингизни ҳис қилиш мен учун жуда муҳим. Ҳаммага катта раҳмат", дея таъкидлаган.
Хонанда ўша куни содир бўлган ҳолатни ҳам эслаб ўтди. Унинг сўзларига кўра, улар уйда залда ўтирган пайтда у бирор нарсани сезгандек ойна томон қараган. Шу вақтда дереза олдида ўғли энагаси билан ўтирган бўлган ва кутилмаганда дрон бино томон қулаган.
Муҳлисларини хавотирга солган ҳодисадан сўнг Муниса Ризаева Тошкентга учиб келганини ҳам маълум қилган. Хонанда ҳозирда ўзини яхши ҳис қилаётганини айтган.