JBL ixcham va yangi Go 5 kolonkasini taqdim etdi
Машҳур аудио техника ишлаб чиқарувчиси JBL ўзининг энг ҳамёнбоп ва ихчам симсиз колонкалари туркумини янгилади. Янги Go 5 модели ўзидан олдинги авлодларнинг анъанавий кичик ўлчамларини сақлаб қолган ҳолда, техник имкониятлари бўйича сезиларли даражада бойитилди. Қурилма 101×77,4×43 мм ўлчамга ва атиги 230 грамм вазнга эга бўлиб, IP68 стандарти бўйича сув ва чангдан ҳимояланган. Бу ҳақда rozetked.me хабар беради.
Компания бу сафар овоз сифатига алоҳида эътибор қаратди. Harman мутахассислари томонидан созланган динамик энди компьютерга сим орқали уланиш учун ўрнатилган рақамли-аналог ўзгартиргич (ЦАП) билан жиҳозланди. Симсиз уланиш учун эса замонавий Bluetooth 6 технологияси танланган. Шунингдек, қурилма SBC, AAC ва LC3 кодекларини, ҳамда бир нечта колонкани ўзаро бирлаштириш имконини берувчи Auracast функциясини қўллаб-қувватлайди.
Янги модел олти хил рангда сотувга чиқарилади. 1000 мА/соат сиғимли аккумулятор қурилманинг 8 соатгача узлуксиз ишлашини таъминлайди. Ҳозирда Хитой бозорида олдиндан буюртма бериш жараёни бошланган бўлиб, унинг нархи 399 юанни ташкил этади.