«Реал Мадрид» таркиби «Сельта»га қарши эълон қилинди
Испания чемпионатининг 27 туридан ўрин олган "Селта" ва "Реал Мадрид" жамоалари ўртасидаги учрашув яқинлашмоқда. Мазкур баҳс Балаидос стадионида бўлиб ўтади ва мадридликлар ушбу сафар ўйини учун ўз таркибини расман эълон қилди.
"Реал Мадрид" бош мураббийи бўлажак ўйин учун дарвозабонлар чизиғида Куртуа, Лунин ва Серхио Местрега ишонч билдирган. Ҳимоя чизиғида эса Карвахал, Трент, Асенсио, Фран Гарсия, Рюдигер, Менди, Диего Агуадо ҳамда Ламини каби футболчилар майдонга тушиши кутилмоқда.
Ярим ҳимоя ва ҳужум чизиғида ҳам кучли таркиб йиғилган. Хусусан, Валверде, Тчуамени, Арда Гулер, Сестеро, Мануел Анхел, Паласиос ва Тиаго майдон марказида ҳаракат қилса, ҳужум чизиғида Вини Жр., Гонсало ҳамда Браим жамоа ғалабаси учун кураш олиб боради. "Реал Мадрид" мухлислари ўз севимли жамоасидан навбатдаги муҳим ғалабани кутиб қолишмоқда.
Учрашув Тошкент вақти билан 2026 йил 7 март куни соат 01:00 да бошланади. Ўйинни Orange TV ва Movistar LaLiga телеканаллари орқали жонли эфирда кузатиш имконияти мавжуд.