Доналд Трамп Эрон бўйича ўз позициясини очиқлади
АҚШ президенти Доналд Трамп Эроннинг сиёсий тузуми борасида кутилмаган баёнот билан чиқди. CNN телеканалига берган интервьюсида у Эрон демократик давлатга айланиши шарт эмаслигини, асосий мақсад Вашингтонга содиқ ва адолатли раҳбарнинг ҳокимиятга келиши эканини таъкидлади. Трамп ҳатто Эронни бошқарадиган диний етакчи АҚШ талабларига жавоб берса, бунга қарши эмаслигини қўшимча қилди.
Президентнинг сўзларига кўра, ҳозирги Эрон ҳукумати сезиларли даражада заифлашган. У Вашингтон Эрон ички ишларига аралашиб, мамлакатда янги раҳбариятни шакллантиришга умид қилаётганини яширмади. Трамп бу жараённи Венесуэладаги воқеалар билан қиёслаб, ўзгаришлар жуда осон кечишига ишонч билдирди.
Таъкидлаш жоизки, демократияни тарғиб қилиш АҚШ ташқи сиёсатининг анъанавий устувор йўналишларидан бири ҳисобланади. Бироқ 2021 йилда АҚШ маъмурияти куч ишлатиш орқали режимлар алмашинувини амалга оширмасликка ваъда берган эди. Давлат департаменти эса Эрон ҳукуматини инсон ҳуқуқларини поймол этишда ва демократик қадриятларга зид сиёсат юритишда мунтазам равишда танқид қилиб келади.