Пеп Гвардиола келаси мавсум ҳақида фикр билдирди
«Манчестер Сити» бош мураббийи Хосеп Гвардиола жамоанинг келаси мавсумдаги ҳолати борасида ўз фикрлари билан ўртоқлашди. Мутахассис жамоа ҳозирда маълум бир ўзгаришлар даврини бошдан кечираётганини таъкидлаб, келгуси йил натижалар янада яхшироқ бўлишига қатъий ишонишини айтди.
Испаниялик мураббийнинг сўзларига кўра, жамоа янги шароитларга имкон қадар тезроқ мослашиши ва ўз ўйинини кучайтириши талаб этилади. Гвардиола таркибдаги ўзгаришлар жараёни қийин кечаётган бўлса-да, келаси мавсумда «шаҳарликлар» янада кучлироқ ўйин намойиш этишига шубҳа қилмаяпти.
Айни дамда «Манчестер Сити» Англия премьер лигаси турнир жадвалида 60 очко билан иккинчи ўринни эгаллаб турибди. Мусобақа пешқадами «Арсенал» ҳисобида 67 очко мавжуд, бироқ лондонликлар «шаҳарликлар»га нисбатан битта кўпроқ ўйин ўтказган. Гвардиола шогирдлари чемпионлик пойгасида курашни давом эттирмоқда ва мавсум якунига қадар вазиятни ўз фойдаларига ҳал қилишга уриниб кўришади.