Абдуқодир Ҳусанов «Нюкасл»га қарши ўйинда энг яхши ҳимоячи бўлди
Англия Кубогининг навбатдаги босқичида "Манчестер Сити" клуби сафарда "Ньюкасл Юнайтед" жамоасига қарши майдонга тушди. Муросасиз кечган баҳсда меҳмонлар 3:1 ҳисобида ғалаба қозониб, мусобақадаги юришини муваффақиятли давом эттирди. Ушбу учрашувда ўзбекистонлик легионер Абдуқодир Ҳусанов ўзининг барқарор ва ишончли ўйини билан мутахассислар эътиборини тортди.
Ўйин якунлари бўйича эълон қилинган статистик маълумотларга кўра, Ҳусанов 7.8 балл билан баҳоланиб, жамоанинг энг яхши ҳимоячиси сифатида қайд этилди. У ҳимоядаги хотиржам ҳаракатлари билан ҳатто тажрибали жамоадоши Жон Стоунзни ҳам ортда қолдиришга муваффақ бўлди. Ҳусановнинг майдондаги позицион ўйини ва рақиб ҳужумларини бартараф этишдаги маҳорати унинг хорижий чемпионатдаги нуфузи тобора ортиб бораётганидан далолат беради.
Учрашувнинг энг яхши футболчиси деб 8.8 балл жамғарган ва дубл қайд этган ҳужумчи О. Мармоуш топилди. Шунингдек, "Манчестер Сити" таркибида Савиньо, Н. Гонзалес каби футболчилар ҳам яхши кўрсаткичлар қайд этишди. Бироқ, ҳимоя чизиғидаги барқарорлик айнан Абдуқодир Ҳусанов ҳиссасига тўғри келди. Бу натижа ёш ҳимоячининг келажакда янада юксак марраларни забт этишига замин яратади.