Бектемир туманида газ қувури шикастланди
0
Тошкент шаҳрининг Бектемир туманида нохуш ҳолат юз берди. "Гулбоғ" маҳалла фуқаролар йиғини ҳудудидан ўтувчи Туркистон кўчасидаги ўрта босимли газ қувурига юк машинаси келиб урилди. Ушбу тўқнашув оқибатида қувур жиддий шикастланиб, ҳудуддаги 250 та хонадонда табиий газ таъминоти вақтинча тўхтатилди.
Айни дамда воқеа жойида туман газ таъминоти бўлимининг махсус авария бригадаси иш олиб бормоқда. Мутахассислар шикастланган қисмни таъмирлаш ва хавфсизликни таъминлаш чораларини кўришмоқда. Таъмирлаш ишлари якунлангач, газ таъминоти босқичма-босқич қайта тикланиши маълум қилинди. Фуқаролардан вақтинчалик ноқулайликлар учун узр сўраймиз.