Apple келажакда iPhone корпусларини 3D принтерда чоп этади
Аппле компанияси ўз қурилмалари ишлаб чиқариш жараёнини тубдан ўзгартиришга тайёрланмоқда. Блоомберг нашри таҳлилчиси Марк Гурман хабарига кўра, технология гиганти келажакда иПҳоне смартфонлари ва Аппле Wатч ақлли соатлари корпусларини 3Д принтер ёрдамида тайёрлашни режалаштирмоқда. Ҳозирги кунда компания ушбу усулни Аппле Wатч Ултра 3 моделининг титан деталларида муваффақиятли синовдан ўтказиб бўлди. Бу ҳақда ixbt.com хабар беради.
Янги технологияга ўтишдан кўзланган асосий мақсад ишлаб чиқариш самарадорлигини ошириш ва харажатларни камайтиришдир. Анъанавий металлга ишлов бериш усуллари кўп миқдорда чиқинди ҳосил қилади, 3Д босиб чиқариш эса материалдан деярли йўқотишларсиз фойдаланиш имконини беради. Бундан ташқари, ушбу усул муҳандисларга анъанавий станоклар ёрдамида эришиб бўлмайдиган мураккаб ички тузилмаларни яратиш имконини беради. Бу эса қурилмаларнинг намликдан ҳимояланишини кучайтириш ва антенна қисмларининг мустаҳкамлигини оширишга хизмат қилади.
Ҳозирги вақтда Аппле саноат дизайнерлари ва операцион бўлим ходимлари 3Д босиб чиқариш технологиясини алюминий материалига мослаштириш устида фаол ишламоқда. Агар ушбу жараён муваффақиятли якунланса, яқин йилларда бозорда 3Д принтерда чоп этилган корпусга эга янги авлод Аппле қурилмаларини кўришимиз мумкин. Эслатиб ўтамиз, Марк Гурман аввалроқ иПҳоне 17е модели ва унинг нархи ҳақидаги маълумотларни аниқ башорат қилган эди.