UFC турнири атрофидаги шов-шувли воқеалар тафсилоти
UFC ташкилоти Оқ Уйда ўтказилиши режалаштирилган йирик турнир доирасида мухлислар кутган шов-шувли жангни ташкил эта олмади. Дастлабки маълумотларга кўра, кеча доирасида Ислом Махачев ва Илия Топурия ўртасида ярим ўрта вазн чемпионлик камари учун тўқнашув бўлиши кутилган эди. Бироқ сўнгги дақиқаларда келиб чиққан муаммолар сабабли ушбу қарама-қаршилик бекор қилинди.
MARCA нашрининг хабар беришича, томонлар ўртасидаги музокаралар ўтган ҳафтада бошланган бўлса-да, якуний келишувга эришилмади. Жума куни UFC раҳбарияти Махачевнинг ушбу оқшомда иштирок эта олмаслигини маълум қилди. Шундан сўнг ташкилот вакиллари зудлик билан унинг ўрнига Жастин Гетжини таклиф қилишди. Гетжи вазиятни тасдиқлаб, унга дастлаб жангда қатнашмаслиги айтилгани, бироқ эртаси куни режа ўзгаргани ҳақида гапириб ўтди.
Иккала жангчининг менежери Али Абдель-Азиз ижтимоий тармоқлардаги саҳифасида ушбу жараённи ҳақиқий "Биг Драма Шоw" деб атади. Унинг сўзларига кўра, жамоа уч кеча давомида тинимсиз ишлаган ва эндиликда бироз дам олишга қарор қилган. Ҳозирча UFC расмийлари мазкур жанг бекор қилиниши ёки бошқа санага кўчирилиши борасида аниқ баёнот бермади. Мухлислар эса Оқ Уйдаги турнирнинг якуний кардини кутишда давом этмоқда.