Солиқ қарздорлиги учун техника хатланди
Солиқ ва бошқа мажбурий тўловлар бўйича қарздорликнинг ортиб бориши давлат бюджети даромадларига, шунингдек хўжалик юритувчи субъектларнинг молиявий фаолиятига салбий таъсир кўрсатади.
Жиззах вилояти Солиқ бошқармасининг қарорига асосан солиқ мажбуриятларини бажармаган “Э.О” фермер хўжалигидан 66 миллион сўм миқдоридаги солиқ ва бошқа мажбурий тўловларни ундириш ҳақидаги ижро ҳужжатлари Мажбурий ижро бюросининг Дўстлик тумани бўлими иш юритувига келиб тушди.
Давлат ижрочилари томонидан қарздорнинг банк ҳисоб рақамларига банд солиниб, мавжуд мол-мулкларига тақиқ қўйилди.
Олиб борилган мажбурий ижро ҳаракатлари давомида қарздорга тегишли экинларни дорилаш воситаси қарздорликни қоплаш мақсадида хатланди.
Келгусида мазкур техника белгиланган тартибда аукцион савдолари орқали сотилиб, тушган маблағ қарздорликни қоплашга йўналтирилиши мумкин.