Исроилда ракета зарбаси: ўзбек миллатига мансуб эркак ҳалок бўлди
0
Исроилда содир бўлган ракета ҳужуми оқибатида ўзбек миллатига мансуб бир киши ҳалок бўлгани ҳақида хабарлар тарқалди. Маълумотларга кўра, қурбон бўлган шахс 62 ёшда бўлган.
Қайд этилишича, мазкур эркак 2017 йилда Ўзбекистон фуқаролигидан чиққан. Шундан сўнг у узоқ йиллар давомида Исроилда яшаб келган.
Маълум қилинишича, марҳум сўнгги 14 йил мобайнида Исроил ҳудудида доимий равишда истиқомат қилган. Ракета ҳужуми вақтида у зарар кўрган ҳудудда бўлган ва оқибатда ҳалок бўлгани айтилмоқда.
Айни пайтда воқеа юзасидан расмий идоралар томонидан қўшимча маълумотлар тақдим этилиши кутилмоқда. Минтақада давом этаётган ҳарбий кескинлик эса тинч аҳоли орасида ҳам қурбонлар сони ортишига сабаб бўлаётгани таъкидланмоқда.