УЕФА ёзда ВАРдан фойдаланиш масаласини муҳокама қилади
УЕФА бу ёзда Европанинг энг нуфузли лигалари билан видеоқайта текшириш тизими (ВАР)дан қандай самарали фойдаланилаётганини муҳокама қилиш мақсадида махсус йиғилиш ташкил қилади. Бу ҳақда Sky Sports хабар берди.
Йиғилишда УЕФА бутун қитъада ягона, соддалаштирилган ёндашувни жорий этишни кўзламоқда. Бу эса ВАР фақат “аниқ ва очиқ хатолар”ни тўғрилаш учун қўлланилишини таъминлайди ва футбол ўйинида адолатни мустаҳкамлайди.
Тадбирни УЕФА ҳакамлар бўлими раҳбари Роберто Росетти мезбонлик қилади ва у Жаҳон чемпионатидан кейин бўлиб ўтади. Йиғилишда Премьер-лига, Ла Лига, A Серия, Бундеслига ва Лига 1 каби топ лигалар вакиллари қатнашиши кутилмоқда.
Росетти ўтган ой футболда “микроскопик аралашувлар” йўлига кириб кетишни истамаслигини таъкидлаган эди. УЕФА фикрича, ВАР тўғри қўлланилганда футболнинг ажралмас қисми бўлиб қолади, аммо унинг қўлланилиши ҳозирда мухлислар орасида баҳс ва мунозараларга сабаб бўлмоқда.
Йиғилишдан мақсад — ВАРни самарали ва очиқ тизим сифатида жорий этиш, футболда адолатни таъминлаш ва баҳслар сонини камайтиришдир.