Босния мигранттар лагерин жабуу мөөнөтүн жылдырды
Мигранттар убактылуу баш калкалаган жай 1992-1995-жылдардагы Босниядагы согуштан кийинки мина талаасындагы таштанды жайдын ордуна жайгашкан. Анда таза суу жана дааратканалар жок. Өткөн жумада кар жаап, лагердеги жашоону оорлоткон.
Чет элдиктер иши боюнча кызматтын директору Раде Ковач 9-декабрда лагерге барып, аны жабуу үчүн аракеттер көрүлүп жатканын, качкындар башка жайларга жайгаштырыларын убада кылды.
Кызыл чырым уюмунун маалыматына караганда, лагерде 600 мигрант жашап жатат.
Жакынкы Чыгыштагы, Африкадагы жана Азиядагы согуштардан жана ачарчылыктан качкан эл Европага жетип алууну самашат. Боснияга качкындар кошуна Сербия жана Черногория аркылуу келишкен.