Лениногорскида халыкка социаль хезмәт күрсәтү мәсьәләләре турында сөйләштеләр
![Лениногорскида халыкка социаль хезмәт күрсәтү мәсьәләләре турында сөйләштеләр](https://tatar-inform.tatar/attachments/a9f9cc86279ccdb850ebec5911c6afc6a694a352/store/fill/780/440/887b8a43b8367a66190d85ed915bca958599692aafa6489f9759f9a89bfc/0194.jpg)
(Лениногрск, 14 декабрь, «Татар-информ», «Заман сулышы»). Лениногорск районында министрлык карамагындагы оешмаларда халыкка социаль хезмәт күрсәтү мәсьәләләре һәм тармакны үстерү перспективалары турында фикер алыштылар. Бу турыда район басмасы хәбәр итә.
Татарстан Хезмәт, халыкны эш белән тәэмин итү һәм социаль яклау министры Эльмира Зарипова муниципаль район башлыгы Рәгать Хөсәенов һәм район Башкарма комитеты җитәкчесенең социаль мәсьәләләр буенча урынбасары Владимир Друк белән бергә Лениногорск шәһәрендә ачылган «Сила в детях» реабилитация үзәгендә булды.
Кунакларны фондны гамәлгә куючы Адель Заһретдинов һәм фонд директоры урынбасары Айгөл Әхмәтова каршы алды.
Сәфәр кысаларында Эльмира Зарипова Лениногорск өлкәннәр һәм инвалидлар өчен интернат-йортта, анда яшәү шартларын өйрәнде, «Исток-Башлангыч» халыкка социаль хезмәт күрсәтү үзәгендә озак вакытка карау системасы буенча белем алган социаль хезмәткәрләр белән аралашты.