YouTube istifadəçiləri video keyfiyyətinə şikayətlənir
Son bir neçə gündür ki, YouTube istifadəçiləri dünya üzrə video izləmə zamanı problemlərlə qarşılaşır. Xidmət, başa düşülməyən bir səbəbdən, videoları ən aşağı keyfiyyətdə açır. Bu davranış yalnız bəzi platformalarda müşahidə olunur.
Reddit-dəki çoxsaylı şərhlərə görə, video hostingindəki nasazlıq iPhone və iPad istifadəçilərini, eləcə də YouTube-ukompüterlərdə və ağıllı televizorlarda izləyənləri təsir edib. Eyni zamanda, Android əməliyyat sistemi ilə işləyən smartfonlar və planşetlərdə heç bir problem müşahidə olunmur.
Pozuntunun mahiyyəti odur ki, video başladıqda avtomatik olaraq 144p, 240p və ya 360p keyfiyyətdə göstərilir. Hətta videonun keyfiyyətini əl ilə daha yüksək etmək cəhdi də həmişə kömək etmir: video donmağa başlayır və ya müəyyən bir müddət sonra keyfiyyət yenidən aşağıya düşür. YouTube Shorts ilə isə hətta keyfiyyət seçmək mümkün deyil və istifadəçilər ekranda nəhəng piksel görüntüləri görmək məcburiyyətində qalır.
YouTube komandası artıq problemin mövcudluğunu təsdiqləyib və yaxın zamanlarda düzəliş edəcəklərini söz verib.
The post YouTube istifadəçiləri video keyfiyyətinə şikayətlənir appeared first on InfoCity.