Илсөя Бәдретдинова, иске агач өйдә тора алыр идегезме, дигән сорауга җавап биргән
Бу көннәрдә Илсөя Бәдретдинова гастрольләрдән бераз бушаган булса кирәк. Ул сторисларында тамашачысыннан килгән кызыклы хатларга җавап бирә.
Бер фанаты Илсөя Бәдретдиновадан: «Иске агач өйдә торуыгыздан оялыр идегезме? Финанс ягы тыгыз булса?» – дип сорап язган. Аңа җавап биргәндә, җырчы акчага интегеп яшәгән, авыр вакытларын искә ала.
«Җиде ел элек мин, бернәрсәсез, бала белән урамда калдым. Төрлесе булды. Хәтта агач йортым да юк иде. Нәрсәсе оят аның? Мыжылдап торган тараканлы фатирлар…. Подъезд юулар… Бар да булды. Оялмадым.
Тормыш бик кызык нәрсә ул. Бүген син агач йортта, иртәгә – мин булырга мөмкин...» – дип фәлсәфи җавап кайтара Илсөя.