«Шатлыгының чиге юк» – Әнвәр Нургалиев үзенең иҗатын яратучыны СВОга озатырга барган
Башкортстан халык артисты, Татарстанның атказанган артисты Әнвәр Нургалиев фанатын махсус хәрби операциягә озатырган барган.
Видеода күренгәнчә, хәрбинең шатлыгы эченә сыймый, ул хисләнеп, сөйләнеп, җырчы белән янәшә атлый.
«Бүген хәрбиләрне махсус хәрби операциягә озаттым. 7.30 сәгатьтә минем иҗатымны яратучы Азамат шалтыратты. «Абый, мине озата аласыңмы? 12 минуттан Уфа-Арена янында булам», – диде. Кешегә күп кирәкми бит. Мин килгәч, шатлыгының чиге юк. Егетләр, исән-сау булып, җиңү белән кайтыгыз! Эмоцияләр ташый. Бик авыр. Егетләр – чын Герой!» – дип язган җырчы социаль челтәрдәге сәхифәсендә.