Tesla, elektromobillərin yürüş göstəricilərini süni şəkildə artırmaqda ittiham olunur
Kaliforniya ştatından bir qrup avtomobil sahibi Tesla şirkətinə qarşı məhkəmə iddiası qaldırıb. İddianın əsasını ştat sakini Nayri Hintonun yaşadığı hadisə təşkil edir. O, iki il əvvəl Tesla Model Y avtomobili alıb və sonradan avtomobilin yürüş göstəricilərinin süni şəkildə şişirdildiyini iddia edir.
Hinton bildirir ki, işə gedib-gəlmək üçün gündəlik istifadə etdiyi avtomobil ilk altı ay ərzində 21 min kilometr yürüş göstərib. Halbuki onun əvvəlki avtomobilləri həmin müddətdə cəmi 10 min kilometrə belə çatmayıb.
Ən maraqlısı odur ki, bu şübhəli «yürüş artımı» avtomobilin 80 min kilometr həddinə çatmasından sonra dayanıb — məhz bu həddə Tesla-nın əsas zəmanət müddəti başa çatır. Hinton əmindir ki, Tesla bilərəkdən odometr göstəricilərini manipulyasiya edir ki, zəmanət müddətini tez başa vurdursun və avtomobili servis məsuliyyətindən çıxarsın.
Reddit platformasında başqa Tesla sahibləri də oxşar problemlərlə üzləşdiklərini bildiriblər, lakin bu günə qədər heç biri məhkəməyə üz tutmamışdı.
Hinton və ona qoşulan digər Tesla sahibləri işin məhkəmə iclasında andlılar qarşısında baxılmasını tələb edirlər. Maliyyə kompensasiyasının məbləği isə sonradan müəyyən olunacaq.
The post Tesla, elektromobillərin yürüş göstəricilərini süni şəkildə artırmaqda ittiham olunur appeared first on InfoCity.