Ләйсән Гыймаева һәм Булат Бәйрәмовлар гаиләсендә куанычлы да, моңсу да вакыйга
Җырчы Ләйсән Гыймаева һәм алып баручы Булат Бәйрәмовлар гаиләсендә куанычлы да, моңсу да вакыйга булган. Кичә аларның төпчек кызларының чыгарылыш кичәсе узган – Зәйнәп балалар бакчасы белән хушлашкан, быел 1 нче сыйныфка укырга бара.
Ләйсән Гыймаева бәйрәм чарасыннан матур кадрлар белән уртаклаша. «Иң рәхәт, иң ваемсыз чаклар артта калды. Ак юллар, балам», – дип яза ул.
Бәйрәмдә балалар гына чыгыш ясап калмаган. Булат Бәйрәмов җитәкчелегендә әти-әниләр дә, сабыйларга бүләк итеп, заманча бию әзерләгәннәр.
Зәйнәп исә бик нечкә күңелле кыз икән – яраткан тәрбиячесе сөйләгәндә, бала күз яшьләрен тыеп кала алмаган. «Үзе дә елады, безне дә елатты», – дип яза кызы турында Ләйсән.