Истә тотыгыз: балалар суда батканда кычкырмый!
Киноларда күрсәтелә торган судан ярдәм сорап кычкыру кадрлары – миф. Су төбенә киткәндә бала кычкырмый: организм бөтен көчен сулыш алырга һәм су төбеннән чыгарга омтылуга тота. Бу хакта Россия Гадәттән тыш хәлләр министрлыгының Татарстан буенча Баш идарәсе телеграм-каналында хәбәр ителә.
Бер генә чара бар: бала гел игътибар үзәгендә булырга тиеш һәм аны яр буеннан карап тормаска. Югыйсә ярдәм итәргә өлгермәскә мөмкин.
Россия Гадәттән тыш хәлләр министрлыгының Татарстан буенча Баш идарәсе киңәшләре:
- балаларыңны су янында караучысыз калдырма;
- балаңның кайда икәнен һәрвакыт бел, аның ялын оештыр;
- «Коену тыелган» билгесен игътибарсыз калдырма;
- җиһазландырылган комлыкларда гына коен.
Видео: Россия Гадәттән тыш хәлләр министрлыгының ТР буенча Баш идарәсе телеграм-каналыннан