Ринат Фәхретдинов: «Мин «Ак йорт»та UFC турнирында катнашырга теләр идем»

UFC катнаш көрәшләрендә катнашкан беренче татар көрәшчесе Ринат Фәхретдинов, АКШ президенты Дональд Трамп үзенең резиденциясендә, Вашингтондагы «Ак йорт»та резонанслы турнир үткәрә алыр иде, дип белдерде. Бу хакта «Татар-информ» яза.

«Беләсезме, Трамп – ул эшмәкәр, шуңа күрә турнирны «Ак йорт»та уздыру – аның өчен нормаль күренеш, дип саныйм. Әгәр ул аны чыннан да уздырса, мин гаҗәпләнмәячәкмен», – дигән Фәхретдинов «ТИ-Спорт»ка биргән интервьюсында.

Шулай ук ул мондый чарада үзе дә катнашырга теләвен әйтә.

«Әйе, әлбәттә, теләр идем, «Ак йорт»ны күрергә телим, бу бит – кызык, бу бит – тарих! Өстәвенә, анда сугышырга да теләр идем, әлбәттә. Тик, миңа калса, анда бөтен кард (файт-кард – UFC турнирда катнашучылар составы – иск. «ТИ-спорт») шундагы егетләрдән торачак. Хәтта бу турнирны күрү генә дә, аны карау гына да кызык булыр иде», – ди Гладиатор.

Исегезгә төшерәбез, Ринат Фәхретдинов профессиональ рекордка ия: 23 җиңү, 1 җиңелү һәм 1 тигез исәп. UFC да ул, Брайан Баттл һәм Андреас Михаилидисны җиңүне дә кертеп, берничә сугыш үткәрде, диелә хәбәрдә.