Պեսկով. ՌԴ եւ Ադրբեջանի հարաբերությունները «բարդ շրջան են ապրում»
«Ամուր հիմք, իսկապես, կա, երկու երկրների շահերի համընկում եւս կա, գոյություն ունի փոխշահավետ համագործակցություն, որը հիմնված է փոխադարձ հարգանքի վրա: Բայց երբեմն պատահում է, որ երկրների հարաբերություններում բարդ շրջաններ են լինում: Հիմա այդպիսի շրջաններից մեկն է», - ասել է Կրեմլի ներկայացուցիչը:
«Մենք հույս ունենք, որ այս շրջանը կանցնի», - շեշտել է Պեսկովը՝ նշելով, որ «երկու երկրների համագործակցությունը փոխադարձ օգուտ է բերում»:
«Մեզ համար շատ կարեւոր է, որ Ադրբեջանում հարգեն ռուսներին: Ռուսաստանում շատ մեծ ադրբեջանական սփյուռք կա, որի գործնականում բոլոր ներկայացուցիչները մեր օրինապահ քաղաքացիներն են, որոնք այստեղ արժանի հարգանք են վայելում: Իսկ այն քաղաքացիները, որոնք խախտում են օրենքները, հետապնդվում են օրենքի համաձայն», - նշել է Ռուսաստանի նախագահի մամուլի քարտուղարը: