Яңа уку елына каникуллар графигы билгеле

Россия Мәгариф министрлыгы чирекләп укыта торган мәктәпләргә яңа уку елына каникуллар графигын тәкъдим итте. Әлеге мәгълүмат мәгариф министры Сергей Кравцовка сылтама белән министрлыкның рәсми Телеграм-каналында чыкты, дип яза «Российская газета».

Чирекләп укыта торган системада көзге каникулларны 2025 елның 25 октябреннән 2 ноябренә кадәр (бәйрәм көннәре булган 3 һәм 4 ноябрьне исәпкә алып) уздырырга киңәш ителә.

Кышкы каникуллар – 2025 елның 31 декабреннән 2026 елның 11 гыйнварына кадәр.

Язгы каникулларны 2026 елның 28 мартыннан 5 апреленә кадәр уздырырга киңәш ителә.

Уку елы 2026 елның 26 маенда төгәлләнә, ә каникуллар 31 августка кадәр дәвам итә.