Ильмира Нәгыймова: «25 яшендә апам үлде… 34 яшендә – абыем… 25 яшендә – энем...»
Ильмира Нәгыймованың бертуган энесе махсус операциядә һәлак булуы турында язган идек. Җырчы энесенең элемтәгә чыкмый башлавы турында җәй ахырында сөйләде. Инде менә авыр хәбәр килгән…
- Ильмира Нәгыймова: «Бертуган энем бүтән юк»
Артист сторисларында энесенең соңгы тапкыр кыска вакытлы ялга кайткан вакытыннан фотолар белән бүлешә. Ильмира Нәгыймова әйтүенчә, ул үзенең исән кайтмаячагын сизенгән.
«Авыр… 25 яшендә апам үлде… 34 яшендә – абыем… 25 яшендә – энем. Соңгы кайтуы булды. Сизенде..» – дип яза җырчы. Энесе апасына: «Кире кайтып булмаса, әти белән әнине кара. Мин сезне бик яратам», – дип тә әйтеп калдырган.
Җырчының гаиләсенә, әти-әнисенә сабырлык телибез.