Россиянь регионтнэс тонавтома таркань прявттнэнь туртов кучозь конфликтэнь шкасто прянь ветямонь коряс кармавтомат (эрзя)
Тевконёвось кемекстазь Тонавтыцятнень профессиональной важодемаст ды лемест идемань коряс Россиянь Просвещениянь министерствань советэнь промкссо. Кармавтоматнень прявт смустесь – бойкасто, видестэ, парсте ды закононть лувсо лоткавтомс конфликттнэнь, идемс тонавтыцятнень, топавтомс «РФ-со тонавтомадо» федеральной 273-це закононь вешематнень. Тевконёвсо ванновить конфликтэнь анолдамодо ды лоткавтомадо зярыя тевдеемат, конатнень ютксо прявт таркасо – вастовомань ютавтнема. Кортамос мереви тердтнемс психологиянь службань важодицятнень ды тонавтыцятнень-психологтнень, медиациянь службас эли профсоюзос совицятнень. Бути кортамонть вельде конфликтэнть лоткавтомс эзь лисе, сестэ эряви пшкадемс конфликтэнь лоткавтомань коряс региононь комиссияс. Теке марто максозь лия кармавтоматкак. Ютксост – правань культуранть кастомга эряви виевгавтомс конфликтэнь анолдамонь важодеманть. Тонавтыцянть лангс пеняцямсто кунсолома эрьванть ды ансяк седе тов топавтомат тень коряс эрявикс тевтне. Тонавтома таркань прявттнэнень эряви ютавтнемс покш важодема сёвноматнень одов анолдамга.