Сәгыйть Гыйбашевка 65 яшендә «Татарстанның атказанган артисты» исеме бирелде

«Әниемнең туган көне бүген», «Син сөюдән чибәр» кебек популяр җырлары белән татар эстрадасы тарихына кергән Сәгыйть Гыйбашевка Татарстанның атказанган артисты дигән мактаулы исем бирелде.

Музыка сәнгатен үстерүгә өлеш керткәне өчен «Татарстанның атказанган артисты» дигән мактаулы исемне рәсми рәвештә Мәдәният министрлыгының киңәйтелгән коллегия утырышында Татарстан Республикасы Премьер-министры урынбасары Ләйлә Фазлыева тапшырды.

«Бөтен җирдә җырларымны беләләр, кушылып җырлыйлар. Мин вокал буенча укыган кеше бит, җыр карьерасын башлавыма 30 ел. Көн саен исем тапшыра башладылар хәзер. Минем «Әниемнең туган көне» җыры өчен генә дә халык артисты исемен бирергә тиешләр иде. Шулкадәр кеше тыңлады аны. «Нәрсә кабызсаң да Сәгыйть җырлый», диләр иде. Гел тере тавышка гына җырладым һәм җырлыйм», дигән булган ул 5 ел элек бирелгән интервьюсында. Үзенә 60 яшь тулуын искәрткән булган. Димәк, Сәгыйть Гыйбашевка - 65 яшь.

Моннан 2 ел элек Әнвәр Нургалиев концертында җырлаган. Ләкин шул ук концертта аның хитларын Әнвәр Нургалиев үзе башкарган. Әнвәр Нургалиев концертына Сәгыйть Гыйбашевны чакырган, тик аның хитларын үзе җырлады

• «Син сөюдән чибәр»не җырлаучы Сәгыйть Гыйбашев: «Хәзер концертларга чакырмыйлар инде»