«Артистлар, әллә акча җыешып...» – Ришат Төхвәтуллин Уфадагы гримерканы ошатмаган
Татарстанның халык артисты Ришат Төхвәтуллин Уфаның «Яшьләр» сараендагы гримеркаларны күреп, шаккатып йөргән.
«Дуслар, «Яшьләр» сараеның гримеркалары бу. Совет заманыннан бирле ремонт булмаган монда. Менә бу җиһазларга ничә ел икән? Бу мин туганда монда торгандыр инде болар... Монда вентиляция юк, эссе...
Бу җиһазда нинди генә бетләр юктыр... Бактерия оясы», – дип, сторисларында күрсәтә артист чәчәкле диван-креслоларны.
«Артистлар, әллә акча җыешып, урындык булса да алып куябызмы?» – дип, шаян тәкъдим белән дә чыккан җырчы.