Բավարիան հետխաղյա 11 մետրանոցներով հաղթում է Բորուսիային և նվաճում Գերմանիայի գավաթը (լուսանկարներ)

Գերմանիայի Գավաթի խաղարկության եզրափակիչ փուլում «Բավարիան» «Օլիմպիաշտադիոնում» ընդունեց Դորտմունդի «Բավարիային»:

 

Չնայած սուր ու լարված պայքարին, հանդիպման հիմնական եւ լրացուցիչ ժամանակներն ավարտվեցին 0:0 հաշվով եւ հաղթողը որոշվեց հետխաղյա 11 մետրանոց հարվածաշարի արդյունքում:

 

«Բորուսիայից» վրիպեցին Սվեն Բենդերը եւ Սոկրատիսը: Դիպուկ գտնվեցին Սինձի Կագավան, Պյեր-Էմերիկ Օբամեյանգը եւ Մարկո Ռոյսը:

 

«Բավարիայից» վրիպեցին Ջոշուա Կիմիխը, դիպուկ գտնվեցին Արտուրո Վիդալը, Ռոբերտ Լեւանդովսկին, Թոմաս Մյուլերը եւ Դուգլաս Կոստան:

Հայաստանի հավաքականի եւ «Բորուսիայի» կիսապաշտպան Հենրիխ Մխիթարյանն ընդգրկված է եղել դորտմունդցիների մեկնարկային կազմում եւ մասնակցել է ամբողջ հանդիպմանը:

 

Այսպիսով, հետխաղյա 11 մետրանոցների արդյունքում Գերմանիայի գավաթակիր դարձավ Մյունխենի «Բավարիան»:

 

Թիմերը խաղադաշտ էին դուրս եկել հետեւյալ մեկնարկային կազմերով.

«Բավարիա». Նոյեր, Լամ, Բոատենգ, Ալաբա, Կիմիխ, Ռիբերի, Վիդալ, Կոստա, Ալկանտարա, Մյուլեր, Լեւանդովսկի

«Բորուսիա». Բյուրկի, Հումելս, Պիշչեկ, Սոկրատիս, Շմելցեր, Բենդեր, Մխիթարյան, Կաստրո, Վայգլ, Օբամեյանգ, Ռոյս

«Բավարիա»-«Բորուսիա»՝ 0:0 (11 մետ.՝ 4:3)