Пулăшу вăхăтлă пултăр
Тулли мар мобилизацие лекнисене тата вĕсен çемйисене пулăшупа тивĕçтерессине Правительство çуртĕнче пăхса тухрĕç. Олег Николаев оперативлă штаб ларăвне ирттерчĕ. Регион ертӳçи палăртнă тăрăх, Чăваш Енре ятарлă çар операцине хутшăнакан çемьесене 25 тĕрлĕ çăмăллăх параççĕ. Çитменлĕхсемпе кăлтăксем ан пулччăр тесен кашни çемьепе тĕл пулса калаçни пĕлтерĕшлĕ.
Тулли мар мобилизацие лекнисен çемйисене тĕрлĕ енлĕ пулăшупа тивĕçтерме Чăваш Енре координаци центрĕ йĕркеленĕ. Вăл çемьесен çивĕч ыйтăвĕсене вăхăтра татса пама кирлĕ. Вĕсем пулăшу çеç мар, çĕршыв Президенчĕн указĕсене те пурнăçлаççĕ. Ку ĕçе общество организацийĕсем те хастар хутшăнаççĕ. Республика Пуçлăхĕ Олег Николаев пулăшупа тивĕçтерессипе йĕркеленĕ тӳри лини пĕтĕмлетĕвĕсемпе паллаштарчĕ. Хăш-пĕр çынсем патне информаци вăхăтра çитмен, çавăнпа та ку ыйтусене уйрăммăн сӳтсе явмалла. Ку чухне мобилизацие лекнисемпе тата вĕсен çемйисемпе тĕл пулу ирттерни вырăнлă. Вĕсем тăтăшах республика пуçлăхĕн шайĕнче тата муниципалитет ертӳçисемпе иртеççĕ.
Чăваш Ен ертӳçи Олег Николаев кашни çын тимлĕхре пулнине, йывăрлăхра никама та хăварма юраманнине каларĕ. Регион ертӳçи çивĕч ыйтусене вăхăтра татса памалллине тепĕр хут асăрхаттарчĕ.