Москва ва Новосибирскда қийналган уч нафар ҳамюртимиз Ўзбекистонга қайтарилди
Москва вилоятида мураккаб молиявий аҳволда қолган Намангандан А.Т Хорижда меҳнат фаолиятини амалга оширувчи фуқароларни қўллаб-қувватлаш ҳамда уларнинг ҳуқуқ ва манфаатларини ҳимоя қилиш жамғармаси маблағлари ҳисобидан Москва-Тошкент йўналишида Ватанга қайтарилди.
Шунингдек, мамлакатимизнинг Новосибирск шаҳридаги Бош консулхонаси ва Агентлик ваколатхонаси томонидан мазкур шаҳарда саломатлиги ёмонлашганлиги сабабли ишлаш имкони чекланган ва қийин аҳволда қолган Сирдарёдан А.С ва Наманган вилоятидан А.Т ҳомийлар ҳисобидан вақтинча яшаш учун хостел, озиқ-овқат билан таъминланди. Бугун Новосибирск-Наманган йўналишидаги авиарейс орқали Ўзбекистонга жўнатилди. Бу ҳақда Ташқи меҳнат миграцияси агентлиги хабар берди.