«Ак Барс» икенче тапкыр, бер алка да кертмичә, «Авангард»ка җиңелде

(Казан, 1 декабрь, «Татар-информ», Гөлия Хәсбиуллина). Бүген Бөтенроссия хоккей көнендә Казанның «Ак Барс» командасы Омск шәһәренең «Авангард» хоккейчыларына каршы уйнады. «Ак Барс» 0:3 исәбе белән җиңелде. У ен Мәскәү өлкәсенең Балашиха шәһәрендә узды. 2 3 ноябрь көнне узган уенда да «Ак Барск» Омск командасына шундый ук исәп белән җиңелгән иде.

Беренче период. Икенче минутта, «Ак Барс» азчылыкта уйнаганда, «Авангард» һөҗүмчесе Оливер Каски гол кертте (1:0).

Икенче период. Дүртенче минутта Корбан Найт «Ак Барс» капкасына икенче алканы кертте (2:0). Уналтынчы минутта Казан командасы капкасына тагын бер алка керде, гол авторы — Вилле Покка (3:0).

Ө ченче периодта голлар булмады.

Командалар составы:

«Авангард»

Грубец (Бобков);

Костин — Найт — Хохлачёв, Шәрипҗанов — Емелин;

Буше — Зернов — Якупов, Береглазов — Покка;

Шумаков — Семёнов — Дедунов, Каски — Чудинов;

Яремчук — Потапов — Каблуков (Комаров), Гончаров.

«Ак Барс»

Билалов (Рейдеборн);

Галиев — Воронков — Зарипов, Юдин — Рукавишников;

Доус — Да Коста — Тихонов, Яруллин — Викстранд;

Лукоянов — Бурмистров — Глухов, Педан — Хенкель;

Дыняк — Кормье — Петров (Фисенко), Журавлёв.

3 декабрь көнне Түбән Камада «Нефтехим-Арена» боз сараенда «Нефтехимик» һәм «Ак Барс» командалары көч сыначашак. Уен 19:30 сәгатьтә башлана.