Кайгарлы авылы янында фаҗига: ир белән хатын зираттан кайтканда батып үлгән
Омск өлкәсендә яшәүче ир белән хатын суда батып үлгән. Бу турыда Омск өлкәсе буенча Тикшерү идарәсе телеграм-каналында хәбәр ителә.
Ведомство белешмәсе буенча, 29 апрельдә Кайгарлы авылы янында фаҗига була. 50 яшьлек ир белән 55 яшьлек хатын көймәгә утырып, зиратка барган. Өйгә кайткан чакта, көчле җил чыккан. Җил көймәне әйләндереп каплаган. Кешеләр суга төшеп киткән.
Кызганычка, алар икесе дә ярга чыга алмаган, диелә хәбәрдә.