«Җәвит Шакиров мобилизациягә эләккән» – хәрби хезмәттәге татар егетеннән артистка пародия
Татарстаннан мобилизациягә алынган Нияз В. социаль челтәрдәге үзенең сәхифәсендә кызыклы гына видео урнаштырган. Анда «мобилизацияләнгән Җәвит Шакиров» хәрби әзерлек уза. Җәвит Шакиров роленә кергән Нияз үзенең ни сәбәпле мобилизациягә эләгүен дә сөйли: «Минем бердәнбер яраткан хатыным Зөлфиякәй гаепле», – дип шаярта егет.
«Җәвитем, синнән монда бер файда да юк. Бар, автомат тотып кайт, диде. Шуңа күрә инде мин «сина килдем, иркәм» дип үземнен автоматларны тотып, туган ягымны сакларга барам. Менә шул беренче яңалык», – дип сөйли егет Җәвит образында.
Нияз «Җәвит Шакиров»ның беренче тапкыр автоматтан атуын да күрсәтә. «Җәвит Шакиров үзенең атуын тәмамлады», – дип шаярта егет.